Main Content
ਬਹੁਤ ਸਾਰੇ ਲੋਕ - Consumers’ Association of Canada ਨਾਲ ਸ਼ੁਰੂ ਕਰਕੇ। ਉਹ ਪਬਲਿਕ ਇਨਸ਼ੋਰੈਂਸ ਦੇ ਹੱਕ ਵਿਚ ਬੋਲੇ ਹਨ। ਅਤੇ ਉਨ੍ਹਾਂ ਨੇ ਕਿਹਾ ਹੈ ਕਿ ਪ੍ਰਾਈਵੇਟ ਇਨਸ਼ੋਰੈਂਸ ਉਨ੍ਹਾਂ ਸਭ ਤੋਂ ਵੱਡੀਆਂ ਠਗੀਆਂ ਵਿੱਚੋਂ ਇਕ ਹੈ ਜਿਨ੍ਹਾਂ ਦਾ ਕੈਨੇਡੀਅਨਾਂ ਨੂੰ ਸਾਮ੍ਹਣਾ ਕਰਨਾ ਪੈ ਰਿਹਾ ਹੈ।
Insurance Brokers Association of BC, ਜਿਹੜੇ ਲੋਕ ਡਰਾਈਵਰਾਂ ਨੂੰ ਇਨਸ਼ੋਰੈਂਸ ਵੇਚਦੇ ਹਨ, ਪਬਲਿਕ ਇਨਸ਼ੋਰੈਂਸ ਨੂੰ ਰੱਖਣ ਦੇ ਵੀ ਹਿਮਾਇਤੀ ਹਨ। ਅਤੇ ਇਸੇ ਤਰ੍ਹਾਂ ਆਈ ਸੀ ਬੀ ਸੀ ਦੇ ਮੂਹਰਲੀਆਂ ਸਫ਼ਾਂ ਵਿਚ ਕੰਮ ਕਰਦੇ ਵਰਕਰ, ਜਿਹੜੇ ਕਿ ਉਹ ਮਹੱਤਵ ਅਤੇ ਕਮਿਉਨਟੀ ਨੂੰ ਫਾਇਦੇ ਦੇਖਦੇ ਹਨ ਜਿਹੜੀ ਪਬਲਿਕ ਇਨਸ਼ੋਰੈਂਸ ਹਰ ਰੋਜ਼ ਪ੍ਰਦਾਨ ਕਰਦੀ ਹੈ।
1970ਵਿਆਂ ਦੇ ਸ਼ੁਰੂ ਵਿਚ ਅਤੇ ਆਈ ਸੀ ਬੀ ਸੀ ਦੀ ਸ਼ੁਰੂਆਤ ਤੋਂ ਪਹਿਲਾਂ ਬ੍ਰਿਟਿਸ਼ ਕੋਲੰਬੀਆ ਵਿਚ ਰਹਿੰਦੇ ਲੋਕਾਂ ਨੂੰ ਉਹ ਦਿਨ ਯਾਦ ਹੋਣਗੇ ਜਦੋਂ ਪ੍ਰਾਈਵੇਟ ਇਨਸ਼ੋਰੈਂਸ ਕੰਪਨੀਆਂ ਦਾ ਰਾਜ ਚੱਲਦਾ ਸੀ ਅਤੇ ਉਨ੍ਹਾਂ ਨੂੰ ਹੱਦ ਤੋਂ ਜ਼ਿਆਦਾ ਕੀਮਤ ਚਕਾਉਣੀ ਪੈਂਦੀ ਸੀ।
ਪਬਲਿਕ ਇਨਸ਼ੋਰੈਂਸ ਦੇ ਖਿਲਾਫ ਚੰਗੇ ਫੰਡਾਂ ਨਾਲ ਮੁਹਿੰਮ ਚੱਲ ਰਹੀ ਹੈ, ਜਿਸ ਦੀ ਪਿੱਠ `ਤੇ ਇਨਸ਼ੋਰੈਂਸ ਬਿਊਰੋ ਔਫ ਕੈਨੇਡਾ ਖੜ੍ਹੀ ਹੈ। ਇਹ ਨਾਂ ਕਿਸੇ ਸਰਕਾਰੀ ਏਜੰਸੀ ਦਾ ਲੱਗ ਸਕਦਾ ਹੈ, ਪਰ ਅਸਲ ਵਿਚ ਇਹ ਵੱਡੀਆਂ, ਮਲਟੀਨੈਸ਼ਨਲ ਇਨਸ਼ੋਰੈਂਸ ਕੰਪਨੀਆਂ ਲਈ ਲੌਬੀ ਕਰਨ ਵਾਲਾ ਇਕ ਗਰੁੱਪ ਹੈ।
ਅਤੇ ਇਸ ਵਿਚ ਚੁੱਪ ਚਪੀਤੇ ਕੈਨੇਡੀਅਨ ਟੈਕਸਪੇਅਰਜ਼ ਫਡਰੇਸ਼ਨ ਵੀ ਸ਼ਾਮਲ ਹੈ, ਜੋ ਕਿ ਇਕ ਪਿਛਾਖੜੀ ਲੌਬੀ ਗਰੁੱਪ ਹੈ ਜੋ ਕਿ ਸਰਕਾਰੀ ਸੇਵਾਵਾਂ ਦੇ ਵਿਰੁੱਧ ਨੇਮ ਨਾਲ ਮੁਹਿੰਮਾਂ ਚਲਾਉਂਦਾ ਹੈ।
ਅਤੇ ਆਈ ਸੀ ਬੀ ਸੀ ਦੀ 16 ਸਾਲਾਂ ਲਈ ਬਦਇੰਤਜ਼ਾਮੀ ਅਤੇ ਸਾਡੇ ਰੇਟਾਂ ਨੂੰ ਵਧਾਈ ਜਾਣ ਤੋਂ ਬਾਅਦ, BC Liberals ਹੁਣ ਪ੍ਰਾਈਵੇਟੀਕਰਨ ਲਈ ਜ਼ੋਰ ਲਾ ਰਹੇ ਹਨ – ਜਿਸ ਨਾਲ ਹੈਰਾਨੀ ਹੁੰਦੀ ਹੈ ਕਿ ਸ਼ਾਇਦ ਉਨ੍ਹਾਂ ਦਾ ਸਦਾ ਹੀ ਇਹ ਟੀਚਾ ਸੀ।
ਸਭ ਤੋਂ ਵੱਡੀ ਚੀਜ਼ ਸਥਿਰਤਾ। ਆਈ ਸੀ ਬੀ ਸੀ ਦੇ ਕਿਉਂਕਿ ਅਸੀਂ ਸਾਰੇ ਮਾਲਕ ਹਾਂ, ਤੁਹਾਨੂੰ ਕਦੇ ਵੀ ਇਹ ਚਿੰਤਾ ਕਰਨ ਦੀ ਲੋੜ ਨਹੀਂ ਪਵੇਗੀ ਕਿ ਤੁਹਾਡੀ ਇਨਸ਼ੋਰੈਂਸ ਕੰਪਨੀ ਅਚਾਨਕ ਆਪਣੀ ਦੁਕਾਨ ਬੰਦ ਕਰ ਦੇਵੇਗੀ, ਜਿਵੇਂ ਕਿ ਕੰਪਨੀਆਂ ਨੇ ਅਲਬਰਟਾ ਅਤੇ ਓਨਟੇਰੀਓ ਵਿਚ ਕੀਤਾ ਹੈ।
ਅਤੇ ਆਈ ਸੀ ਬੀ ਸੀ ਸਿਰਫ ਇਨਸ਼ੋਰੈਂਸ ਪ੍ਰਦਾਨ ਕਰਨ ਨਾਲੋਂ ਜ਼ਿਆਦਾ ਕੁਝ ਕਰਦੀ ਹੈ। ਉਹ ਡਰਾਈਵਰਾਂ ਦੇ ਲਾਇਸੰਸਾਂ, ਰੋਡ ਟੈੱਸਟਾਂ, ਸੜਕ `ਤੇ ਸੇਫਟੀ ਦੇ ਉੱਦਮਾਂ ਦੀਆਂ ਸੇਵਾਵਾਂ ਅਤੇ ਹੋਰ ਕਈ ਤਰ੍ਹਾਂ ਦੀਆਂ ਸੇਵਾਵਾਂ ਦਿੰਦੇ ਹਨ। ਅਤੇ ਆਈ ਸੀ ਬੀ ਸੀ ਦੇ ਸੂਬੇ ਭਰ ਵਿਚ ਤਕਰੀਬਨ 6,000 ਮੁਲਾਜ਼ਮ ਹਨ, ਜਿਹੜੇ ਵੱਡੇ ਅਤੇ ਛੋਟੇ ਇਲਾਕਿਆਂ ਵਿਚ ਲੋਕਲ ਇਕੌਨਮੀ ਵਿਚ ਵਾਪਸ ਯੋਗਦਾਨ ਪਾਉਂਦੇ ਹਨ।
ਸਾਲ 2012 ਤੱਕ, ਆਈ ਸੀ ਬੀ ਸੀ ਦੇ ਰੇਟ ਝੱਲਣਯੋਗ ਸਨ।
ਸਾਲ 2010 ਵਿਚ, ਰਾਜ ਕਰਦੇ ਬੀ ਸੀ ਲਿਬਰਲਜ਼ ਨੇ ਇਕ ਬਿੱਲ ਪਾਸ ਕੀਤਾ ਜਿਸ ਨੇ ਉਨ੍ਹਾਂ ਨੂੰ ਆਈ ਸੀ ਬੀ ਸੀ ਵਿੱਚੋਂ ਸਰਪਲੱਸ ਫੰਡ ਕੱਢਣ ਅਤੇ ਉਹ ਪੈਸੇ ਸਰਕਾਰ ਦੀਆਂ ਅਕਾਊਂਟਿੰਗ ਦੀਆਂ ਕਿਤਾਬਾਂ ਵਿਚ ਪਾਉਣ ਦੀ ਆਗਿਆ ਦੇ ਦਿੱਤੀ। ਇਸ ਨਾਲ ਸਰਕਾਰ ਦੀ ਵਿੱਤ ਵਿਵਸਥਾ ਆਸ਼ਾਜਨਕ ਦਿਖਾਈ ਦੇਣ ਲੱਗੀ... ਪਰ ਇਸ ਨੇ ਅਸਰਦਾਰ ਤਰੀਕੇ ਨਾਲ ਆਈ ਸੀ ਬੀ ਸੀ ਤੋਂ ਇਸ ਦਾ ਕੈਸ਼ ਫਲੋਅ ਲੁੱਟ ਲਿਆ। ਉਨ੍ਹਾਂ ਨੇ ਆਈ ਸੀ ਬੀ ਸੀ ਨੂੰ ਮਾਇਕ ਤੌਰ `ਤੇ ਸਥਿਰ ਰਹਿਣ ਲਈ ਬੇਸਿਕ ਇਨਸ਼ੋਰੈਂਸ ਦੇ ਰੇਟ ਵਧਾਉਣ ਲਈ ਮਜ਼ਬੂਰ ਕਰ ਦਿੱਤਾ।
ਪਬਲਿਕ ਇਨਸ਼ੋਰੈਂਸ ਨੂੰ ਵਾਪਸ ਸਿਹਤਮੰਦ ਵਿੱਤੀ ਪੈਰਾਂ `ਤੇ ਲਿਆਉਣ ਲਈ ਨਵੀਂ ਐੱਨ ਡੀ ਪੀ ਸਰਕਾਰ ਨੇ ਤਬਦੀਲੀਆਂ ਕੀਤੀਆਂ ਹਨ। ਉਨ੍ਹਾਂ ਤਬਦੀਲੀਆਂ ਵਿਚ ਪ੍ਰੀਮੀਅਮ ਵਿਚ ਵਾਧੇ ਸ਼ਾਮਲ ਹਨ, ਪਰ ਉਨ੍ਹਾਂ ਨੇ ਐਕਸੀਡੈਂਟ ਵਿਚ ਜ਼ਖਮੀ ਹੋਣ ਵਾਲਿਆਂ ਲਈ ਸਿਹਤ ਅਤੇ ਮੈਡੀਕਲ ਬੈਨੇਫਿਟਸ ਵੀ ਵਧਾਏ ਹਨ, ਕਲੇਮਾਂ ਦਾ ਜ਼ਿਆਦਾ ਤੇਜ਼ੀ ਨਾਲ ਨਿਪਟਾਰਾ ਕੀਤਾ ਹੈ ਪਰ ਬੇਲੋੜੀ ਅਫਸਰਸ਼ਾਹੀ ਅਤੇ ਕਾਨੂੰਨੀ ਲਾਲ-ਫੀਤਾਸ਼ਾਹੀ ਨੂੰ ਘਟਾਇਆ ਹੈ ,ਅਤੇ ਇਸ ਚੀਜ਼ ਦਾ ਨਵੀਨੀਕਰਨ ਕੀਤਾ ਹੈ ਕਿ ਇਨਸ਼ੋਰੈਂਸ ਦੇ ਪ੍ਰੀਮੀਅਮਜ਼ ਦਾ ਹਿਸਾਬ ਕਿਵੇਂ ਲਗਾਇਆ ਜਾਂਦਾ ਹੈ ਤਾਂ ਜੋ ਚੰਗੇ ਡਰਾਈਵਰਾਂ ਨੂੰ ਮਾੜੇ ਜਾਂ ਖਤਰਨਾਕ ਡਰਾਈਵਰਾਂ ਲਈ ਖਰਚੇ ਨੂੰ ਕਵਰ ਨਾ ਕਰਨਾ ਪਵੇ।
ਪਬਲਿਕ ਸਿਸਟਮ ਵਿਚ, ਹਰ ਕੋਈ ਪਬਲਿਕ ਇਨਸ਼ੋਰੈਂਸ: ਆਈ ਸੀ ਬੀ ਸੀ ਨਾਲ ਵਰਤਦਾ ਹੈ। ਜਦੋਂ ਕਲੇਮ ਦਰਜ ਕਰਵਾਇਆ ਜਾਂਦਾ ਹੈ ਤਾਂ ਉਹ ਇੱਕੋ ਕੰਪਨੀ ਨਾਲ ਵਰਤਦੇ ਹਨ ਜਿਹੜੀ ਸ਼ੁਰੂ ਤੋਂ ਅੰਤ ਤੱਕ ਕਲੇਮ ਨੂੰ ਨਜਿੱਠਦੀ ਹੈ।
ਪ੍ਰਾਈਵੇਟ ਸਿਸਟਮ ਵਿਚ, ਤੁਹਾਡੇ ਲਈ ਵੱਖ ਵੱਖ ਇਨਸ਼ੋਰੈਂਸ ਕੰਪਨੀਆਂ ਨਾਲ ਵਰਤਣਾ ਜ਼ਰੂਰੀ ਹੈ। ਵੱਖ ਵੱਖ ਇਨਸ਼ੋਰੈਂਸ ਕੰਪਨੀਆਂ (ਕਈ ਕਾਰਾਂ ਦੇ ਐਕਸੀਡੈਂਟ ਵਿਚ ਇਹ ਤਿੰਨ ਜਾਂ ਜ਼ਿਆਦਾ ਹੋ ਸਕਦੀਆਂ ਹਨ!) ਫਿਰ ਇਹ ਤੂੰ ਤੂੰ ਮੈਂ ਮੈਂ ਕਰਦੀਆਂ ਹਨ ਕੌਣ ਕਿੰਨਾ ਖਰਚਾ ਦੇਵੇਗਾ ਅਤੇ ਕਿਸ ਨੂੰ ਦੇਵੇਗਾ। ਅੰਤਿਮ ਨਤੀਜਾ? ਕਲੇਮ ਨਿਪਟਾਉਣ ਨੂੰ ਲੰਬਾ ਸਮਾਂ ਲੱਗਦਾ ਹੈ ਅਤੇ ਡਰਾਈਵਰਾਂ ਨੂੰ ਜ਼ਿਆਦਾ ਕੋਸ਼ਿਸ਼ ਕਰਨੀ ਪੈਂਦੀ ਹੈ। ਅਤੇ ਇਹ ਕਿਤੇ ਜ਼ਿਆਦਾ ਮਹਿੰਗਾ ਹੈ – ਉਹ ਖਰਚੇ ਜਿਹੜੇ ਕੰਪਨੀਆਂ ਜ਼ਿਆਦਾ ਪ੍ਰੀਮੀਅਮਾਂ ਵਿਚ ਅਗਾਂਹ ਤੋਰ ਦਿੰਦੀਆਂ ਹਨ।